Cada un no seu sitio
Levaba
o pelo peiteado de xeito primoroso. Loiro, de tacto suave.
As prendas que o cubrían, de excelente calidade.
A
pesares de tanta elegancia e delicadeza que desprendía, había algo
nel que non encaixaba. Unha profunda engurra xusto
enriba do nariz, descompoñía sen remedio, tan celestial presenza.
Dende a
entrada do cuarto escoitábase rosmar:
_¡Non
rematará nunca esta tortura! Isto debería pagarse con penas de
cárcere. Esa muller non é nada lista, abráiame como deixan ter
descendencia a xente como ela.
Tales
modos non eran propios de Príncipe Azul, pero aínda así,
rematou o soliloquio con unha palabra malsoante.
Rosadiño
por todo o corpo, agás as patas e o fociño que lucían un marrón
propio da lama na que gustaba de fozar o máis novo dos tres
porquiños. Redondo, mantido, cheirento e feliz. Así era o
compañeiro involuntario de Azul, na estante do
cuarto de Anabel.
A
nena era moi coidadosa. E, sabedora de que hai cousas que mellor non
mesturar, tiña os contos separados por temas. A un lado príncipes e
princesas, a outro contos de animais. Un día que Anabel andaba
doente, a mamá leulle o conto de antes de durmir. Crendo facer ben,
ao rematar a lectura, colocou “A Cincenta” na sección de
animais, e aí comezou a tortura de Azul.
_Ese
cheiro noxento o
ruído que fan ao comer, ían todos cheos de merda, ata o rabo
parecía querer escapar deses corpos graxentos.
As
queixas de Azul eran ben coñecidas no estante.
El entretíñase lembrando un pasado moito máis acorde á súa
liñaxe; estivo invitado no palacio de Branca de neve,
conversou sobre literatura con Mary Poppins, intercambiou consellos
para o cabelo con Rapuncel e practicou apaixonantes duelos de esgrima
con A Besta, que resultou ter una educación exquisita.
Levaba
dous meses, en tempo humano, vendo ese cello pregado e xa estaba
farto. A el e a seus irmáns pouco lle importaba o que ese pedante
crera, pero tanto roñar xa amolaba. Argallaron un bo plan
o que se apuntou mesmo o lobo; chegada
a noitiña libraríanse de ese bobo. Entre os catro empurraron con
forza ata que o conto caeu. O dia seguinte Anabel faríase cargo,
levando a ese príncipe crido, para o sitio do que non
tiña que ter saído.
No hay comentarios:
Publicar un comentario